മൂന്ന് അരിപ്പകള്‍

ഗ്രീക്ക് തത്വചിന്തകനായിരുന്ന സോക്രട്ടീസിനെ കണ്ടുമുട്ടിയപ്പോള്‍, പരിചയക്കാരനായ ഒരു വ്യക്തി
അദ്ദേഹത്തോടു ചോദിച്ചു.

"അതെ... നിങ്ങളറിഞ്ഞോ.... നിങ്ങളുടെ സുഹൃത്തിനെകുറിച്ചുള്ള ആ വാര്‍ത്ത..."

സോക്രട്ടീസ് സംശയത്തോടെ കണ്ണുകളുയര്‍ത്തി.

"ഞാന്‍ കരുതി നിങ്ങള്‍ ഇതിനോടകം അറിഞ്ഞുകാണുമെന്ന്... എന്താണെന്നോ?"

അയാളുടെ സംസാരം തടസ്സപ്പെടുത്തികൊണ്ട്,, സോക്രട്ടീസ് പറഞ്ഞു.

"ഒരു നിമിഷം... നിങ്ങള്‍ പറയുവാന്‍ തുടങ്ങുന്നത് എന്തുതന്നെയായാലും.... എനിക്കത് മൂന്നു അരിപ്പകളിലൂടെ അരിച്ചെടുക്കേണ്ടതായിട്ടുണ്ട്.."

"അരിച്ചെടുക്കുകയോ... മൂന്നു അരിപ്പകളിലൂടെയോ..."

"അതെ മൂന്ന് അരിപ്പകള്‍. അതിനായി ഞാന്‍ മൂന്നു ചോദ്യങ്ങള്‍ ചോദിക്കും... താങ്കള്‍ അവയ്‌ക്കെല്ലാം വ്യക്തമായ മറുപടി തരണം..."

"അതു കൊള്ളാമല്ലോ... ശരി. ചോദിച്ചോളൂ."

"ആദ്യത്തെ ' അരിപ്പ ' സത്യമാണ്... ചോദ്യം ഇതാണ്. നിങ്ങള്‍ പറയുവാനാഗ്രഹിക്കുന്ന വാര്‍ത്ത സത്യമാണെന്ന് നിങ്ങള്‍ വിശ്വസിക്കുന്നുവോ.?"

"അങ്ങനെ ചോദിച്ചാല്‍... എനിക്കുറപ്പില്ല... ഞാന്‍ മറ്റൊരാളില്‍നിന്നുമാണ് ഇക്കാര്യം അറിഞ്ഞത്.... താങ്കളുടെ  സൃഹൃത്തിനെക്കുറിച്ചായതിനാല്‍, അറിഞ്ഞത് നിങ്ങളോടു പങ്കുവെക്കുവാന്‍ കരുതിയെന്നു മാത്രം."

"ഓ..... അപ്പോള്‍ നിങ്ങള്‍ പറയുവാനുദ്ദേശ്ശിക്കുന്നത് സത്യമോ... അസത്യമോ എന്ന് നിങ്ങള്‍ക്ക് ഉറപ്പില്ല... ശരി. അരിച്ചെടുക്കലിന്റെ രണ്ടാംഘട്ടത്തിലേയ്ക്കു പോകാം. രണ്ടാത്തെ 'അരിപ്പ ' യെന്നാല്‍ നന്മയാണ്... അതായത്, നിങ്ങള്‍ പറയുവാന്‍ ആഗ്രഹിക്കുന്ന, അതായത്, എന്റെ സുഹൃത്തിനെ സംബന്ധിക്കുന്ന ആ വാര്‍ത്ത നല്ലതാണോ.? അതോ...

"അല്ലേയല്ല.. ഒട്ടും നല്ല വാര്‍ത്തയല്ല... സത്യം പറഞ്ഞാല്‍  നിങ്ങളുടെ സുഹൃത്തിനെ സംബന്ധിക്കുന്ന ഒരു മോശം വാര്‍ത്തയാണ്.."

"ശരി.... അപ്പോള്‍ എന്റെ സുഹൃത്തിനെക്കുറിച്ച് ഒരു മോശം കാര്യമാണ് നിങ്ങള്‍ പറയുവാനുദ്ദേശ്ശിക്കുന്നത്... എന്നാലത് സത്യമാണെന്ന് നിങ്ങള്‍ വിശ്വസിക്കുന്നുമില്ല. ശരി... എങ്കിലും മൂന്നാമത്തെ ഘട്ടത്തിലേയ്ക്കു പോകാം. അതും ഒഴിവാക്കുവാന്‍ കഴിയാത്തതാണ്. മൂന്നാമത്തെ അരിപ്പയെന്നാല്‍  പ്രയോജനം... അതായത്. എന്റെ സുഹൃത്തിനെ സംബന്ധിക്കുന്ന ആ വാര്‍ത്ത അറിഞ്ഞതുകൊണ്ട് നിങ്ങള്‍ക്ക് എന്തെങ്കിലും പ്രയോജനമുണ്ടായോ....  ആ വാര്‍ത്ത എനിയ്‌ക്കോ എന്റെ സുഹൃത്തിനോ, അതുമല്ലെങ്കില്‍, നിങ്ങള്‍ക്കുതന്നെയോ, എന്തെങ്കിലും തരത്തില്‍,
 പ്രയോജനപ്രദമായിട്ടുള്ള കാര്യമാണോ.?"

"പ്രത്യകിച്ച് പ്രയോജനമൊന്നുമില്ല. എങ്കിലും... അറിഞ്ഞ കാര്യം നിങ്ങളെയും..."

"ഒന്നാമതായി നിങ്ങള്‍ പറയുവാന്‍ പോകുന്ന വാര്‍ത്ത സത്യമാണെന്ന് നിങ്ങള്‍പോലും വിശ്വസിക്കുന്നില്ല... രണ്ടാമതായി അത്‌  ഒട്ടും നല്ല വാര്‍ത്തയുമല്ല... മൂന്നാമതായി അതറിഞ്ഞതുകൊണ്ട് എനിയ്‌ക്കോ എന്റെ സുഹൃത്തിനോ, യാതൊരു പ്രയോജനവും ഉണ്ടാകുമെന്നും നിങ്ങള്‍ കരുതുന്നില്ല... എങ്കില്‍ പിന്നെ എന്തിനാണ് സുഹൃത്തെ, അക്കാര്യം നിങ്ങള്‍ എന്നോട് പറയുവാന്‍ ആഗ്രഹിക്കുന്നത്.... ക്ഷമിക്കണം സുഹൃത്തെ, എല്ലാ വാര്‍ത്തകളും അറിയണമെന്ന് എനിയ്ക്കാഗ്രഹമില്ല."

34 അഭിപ്രായങ്ങൾ:

  1. മറുപടികൾ
    1. പുതിയ ആളാണല്ലോ... വന്നതില്‍ വളരെ സന്തോഷം. നന്ദി.

      ഇല്ലാതാക്കൂ
  2. ഈ കാലത്ത് അത്യാവശ്യം വേണ്ട 3 അരിപ്പകൾ... !!!

    മറുപടിഇല്ലാതാക്കൂ
    മറുപടികൾ
    1. അതെ... മെല്‍വിന്‍ ജോസഫ് മാണി ഭായ്.. ഇക്കാലത്ത് അത്യാവശ്യം വേണ്ട അരിപ്പകളാണ്. നന്ദി..

      ഇല്ലാതാക്കൂ
  3. നല്ലത്. ഇനി മേലിൽ ഈ അരിപ്പ ഞാനും ഉപയോഗിക്കാൻ തീരുമാനിച്ചു.

    മറുപടിഇല്ലാതാക്കൂ
  4. ഇത്തരം അരിപ്പകൾക്കെതിരെ പത്രമുതലാളിമാർ കേസുകൊടുക്കും. ....

    മറുപടിഇല്ലാതാക്കൂ
    മറുപടികൾ
    1. അവരുടെ റീഡര്‍ഷിപ്പും സര്‍ക്കുലേഷനും കുറയുമെന്നോര്‍ത്താണോ... മാഷേ... അങ്ങനെയെങ്കില്‍ അവര്‍ തീര്‍ച്ചയായും കേസു കൊടുക്കാന്‍ സാധ്യതയുണ്ട്.... വരവിനും വായനയ്ക്കും നന്ദീട്ടോ മാഷേ.

      ഇല്ലാതാക്കൂ
  5. എല്ലാ വാര്‍ത്തകളും അറിയണമെന്ന് എനിക്കും ആഗ്രഹമില്ല

    മറുപടിഇല്ലാതാക്കൂ
  6. അറിപ്പയെടുക്കാനൊന്നും നേരമില്ലെന്നെ. കാര്യം എന്തായാലും കേള്‍ക്കുമ്പോള്‍ ഒരു രസം തോന്നിയാ മതീന്നെ...!

    മറുപടിഇല്ലാതാക്കൂ
    മറുപടികൾ
    1. ബഹുഭൂരിപക്ഷവും അങ്ങനെയാണ് റാംജി സാര്‍.

      ഇല്ലാതാക്കൂ
  7. നമുക്കെല്ലാം ആപ്ലിക്കബിള്‍....

    മറുപടിഇല്ലാതാക്കൂ
    മറുപടികൾ
    1. പ്രയാണിന് സ്വാഗതം... വായനക്കും അഭിപ്രായത്തിനും നന്ദീട്ടോ

      ഇല്ലാതാക്കൂ
  8. സുധീര്‍ ഭായ്... വളരെ നല്ലൊരു പോസ്റ്റ്. ഇത്രയും സിമ്പിളായി ഇങ്ങനെ വെറും 3 ചോദ്യങ്ങള്‍ കൊണ്ട് അനാവശ്യമായ പല പരദൂഷണ വാര്‍ത്തകളും നമുക്ക് ഒഴിവാക്കാന്‍ കഴിയുമെങ്കില്‍ അതെത്ര നല്ലതാണ്.

    പലപ്പോഴും ചിലരുടെ സംസാരത്തിനിടെ ഇതില്‍ നിന്നെങ്ങനെ ഒഴിവാകുമെന്ന് ഞാന്‍ ആലോചിച്ച് വിഷമിയ്ക്കാറുണ്ട്. (ഇനി അത്തരം സന്ദര്‍ഭങ്ങളില്‍ ഈ ചോദ്യങ്ങള്‍ ഒന്ന് പരീക്ഷിച്ചു നോക്കണം)
    :)

    മറുപടിഇല്ലാതാക്കൂ
    മറുപടികൾ
    1. ശരിയാണ്... ശ്രീ.... ആസ്വാദകരുള്ളതാണ് അപവാദങ്ങളെ പോഷിപ്പിക്കുന്നത്. ഒന്നു പരീക്ഷിച്ചു നോക്കൂ.

      ഇല്ലാതാക്കൂ
  9. സംഭവം ഇതിന് മുമ്പ് ഞാൻ എവിടെയോ വായിച്ചിരുന്നു... പിന്നീട് മറക്കുകയും ചെയ്തു... ഈ മൂന്ന് അരിപ്പകളെ വീണ്ടും സ്മൃതിപഥത്തിൽ എത്തിച്ചതിൽ വളരെ സന്തോഷം സുധീർ... സത്യം പറഞ്ഞാൽ, എത്ര പ്രസക്തമായ ചിന്ത അല്ലേ? സോക്രട്ടീസിനെ ഒരു ചിന്തകനായി ലോകം അംഗീകരിക്കുന്നത് വെറുതെയല്ലല്ലോ...

    മറുപടിഇല്ലാതാക്കൂ
    മറുപടികൾ
    1. നന്ദി വിനുവേട്ടാ... സോക്രട്ടീസിന്റെ പല ചിന്തകളും കഥകളും ഞാന്‍ ഇഷ്ടപ്പെടുന്നു.

      ഇല്ലാതാക്കൂ
  10. സത്യം ,നന്മ ,പ്രയോജനം എന്നീ അരിപ്പകളില്ലാതെ എല്ലാ വാർത്തകളും വാരി വലിച്ച് വിഴുങ്ങി ഏമ്പക്കമിട്ട് കീഴ്ശ്വാസം വിട്ട് നടക്കുന്ന പുത്തൻ ലോകമറിയട്ടെ ഈ സോക്രട്ടീസ് സീക്രട്ട് അല്ലേ സുധീർ ഭായ്

    മറുപടിഇല്ലാതാക്കൂ
    മറുപടികൾ
    1. അതെ അതാണ് സോക്രട്ടീസിന്റെ സീക്രട്ട്... എല്ലാവരുമറിയട്ടെ ഇങ്ങനെയും ഒരു സീക്രട്ടുണ്ടെന്ന്‌... വരവിനും കമന്റിനും നന്ദീട്ടോ മുരളിയേട്ടാ.

      ഇല്ലാതാക്കൂ

  11. സുധീർ ദാസ്,ഇഷ്ടപ്പെട്ടു ഈ പോസ്റ്റ്...ചിന്തിപ്പിക്കുന്നു.
    അതേ ഈ അരിപ്പകൾ നമ്മളും ഉപയോഗിക്കേണ്ടതല്ലേ?

    മറുപടിഇല്ലാതാക്കൂ
    മറുപടികൾ
    1. തിയറികള്‍ക്ക് ഒരു ക്ഷാമവുമില്ല സതീഷ് ഭായ്... പലപ്പോഴും പ്രായോഗികമാക്കുവാന്‍ ശ്രമിക്കുമ്പോഴാണ് പരാജയപ്പെടുന്നത്... നന്ദി.

      ഇല്ലാതാക്കൂ
  12. ചിന്തിപ്പിക്കുന്ന പോസ്റ്റ്.
    നാട്ടിന്‍പുറത്തെ പരദൂഷണക്കാരെ ഓര്‍മ്മവരികയാണ് മാഷെ.
    ആശംസകള്‍

    മറുപടിഇല്ലാതാക്കൂ
  13. അരിപ്പകൾ തീർച്ചയായും ആവശ്യം തന്നെയാണ് ഈ കാലത്ത്

    മറുപടിഇല്ലാതാക്കൂ
    മറുപടികൾ
    1. തീര്‍ച്ചയായും ആവശ്യം തന്നെയാണ്... നന്ദി വില്ലേജ്മാന്‍.

      ഇല്ലാതാക്കൂ
  14. ഒട്ടും വൈകിയിട്ടില്ല ഫൈസല്‍ ഭായ്... ഒരുപാട് തിരക്കുകള്‍ക്കിടയിലും സമയം കണ്ടെത്തി ബ്ലോഗ് സന്ദര്‍ശിച്ച് അഭിപ്രായം രേഖപ്പെടുത്തുന്ന മനസ്സിന് വളരെയധികം നന്ദി,

    മറുപടിഇല്ലാതാക്കൂ
  15. നല്ല പാഠം. ആദ്യമായാണ്‌ ഈ കഥ വായിക്കുന്നത്. എഴുതിയതിന്‌ നന്ദി....

    മറുപടിഇല്ലാതാക്കൂ
    മറുപടികൾ
    1. വായിച്ച് കമന്റിട്ടതിന് ഞാനും നന്ദി അറിയിക്കുന്നു ഹരിനാഥ്.

      ഇല്ലാതാക്കൂ
  16. മൂന്ന് അരിപ്പകളും ഉപയോഗിച്ചില്ലെങ്കിലും എല്ലാവരും ഏതെങ്കിലും ഒന്നോ രണ്ടോ അരിപ്പകളെങ്കിലും ഉപയോഗിച്ചാൽ മതിയായിരുന്നു...

    മറുപടിഇല്ലാതാക്കൂ
    മറുപടികൾ
    1. അതെ.. സംഗീത് ഭായ്... ഏതെങ്കിലും ഒന്നോ രണ്ടോ അരിപ്പകളെങ്കിലും.

      ഇല്ലാതാക്കൂ